Sonke siyakulangazelela ukuthi sengathi izinto zingazinhle sibe nokuneliseka okujulile ; ukweneliseka okungenza sinele  ezikhathini ezinhle noma ezimbi .Ukuthula okuhlala njalo kukhona okuzimelelayo kwizigaba zonke zokuphila ekuphileni kwethu .

Ngokubuhlungu sonke sihamba sikucinga ukunelisaka nokunela ,ukuthula ezindaweni ezi wrong ,okusiphethisa sihuzukile .I- psychologist u- Carl Jung nakuba engazange abeke ukholo kuJesu kodwa wakwazi ukubhala ngesizathu  salokho :  

Abantu bagcina benezingcindezi zengqondo bazizwe bephansi uma bezenze baneliseka yizinto eziyizimpendulo ezi-wrong emibuzweni yempilo .Bafuna izikhundla ,umshado,ukuhlonishwa ,ukuthola imali eningi ngokuphumelelayo kalula  kodwa othola ukuthi baqhubeke babe nezingcindezi zomqondo nakuba sebekutholile lokhu kanye abebekufuna bethi bazonela uma bethole khona .

Ngicabanga ukuthi sonke sesike sakufuna ukuneliseka ezindaweni ezi wrong qede sabuya nezimpendulo  ezinganelisi .Eminyakeni engu 3 000 eyedlula iNkosi yakwa Israel uSolomoni wakubalula lokho:

Umshumayeli  5:10,11 Othanda imali kayikusutha ngemali,nothanda okuningi kaneliswa yizithelo;nalokho kuyize .Lapho okuhle kwanda nabakudlayo bayanda;kulusizo luni kumninikho ngaphandle kokuba akubone ngamehlo akhe na?

Yiqiniso ngukuthi zonke ezinye izinto zakulomhlaba azisoze zasenelisa ngokuphelele. Sidinga into emile  engapheliyo ,eqhubeka njalo ikhona kwizigaba zonke zempilo . 

Isaya  58:11 UJehova uyakukuhola njalo,asuthise umphefumulo wakho ezindaweni ezomileyo,aqinise amathambo akho;uyakuba njengensimu eniselweyo nanjengomthombo wamanzi,omanzi awo angaphuthi .

Yeka isithombe esinamandla ! UNkulunkulu uyakukunelisa ezindaweni ezomileyo  ngokwezinga lokuthi uyakuba njengensimu echelelwayo enhle ekuhlaza kamnandi , nanjengomthombo wamanzi ongomi ohlale umpompoza amanzi acwebile  . Uyimpendulo ,yebo uyimpendulo kuphela engakwazi ukukuphendula kwimibuzo engumgogodla wokuphila ukuthi nguYe kuphela ongukuneliseka okuphelele ,ukuthula  okunganqamukiyo okuyikho kanye obukulangazelela . 

Yilo kanye iZwi likaNkulunkulu leli … Eliza kuwe li-Fresh namhlanje.